Aalisarneq
Naalakkersuisoq: Amerlanerussuteqarneq amerlanerussuteqarneruvoq
Randi V. Evaldsenip (D) nuannaarutigaa Inatsisartuni amerlanerussuteqartut Naalakkersuisut Tunumi aalisarnermi qalerallit, avaleraasartuut aalisakkallu ikerinnarsiortut aalajangersimasut pisuussutitut akitsuutaasa siaruarnissaanut siunnersuutaat ilalerlugu taasimmata
Partiip illuatungiliuttup 13-it akuersillutik qulingiluallu akerliullutik taasinerat ”killormut alloriarnertut” taavaa, aningaasaqarnermulli aatsitassanullu Naalakkersuisup isornartorsiuineq aalassassutiginngilaa.
Isumaqarpoq amerlanerussuteqartut amerlanerussuteqartuusut amerlanerussuteqaqqarlunilu aalajangiineq atituumik isumaqatigiiffiulluni aalajangiinertullu illuni.
Atuaruk: IA: Akitsuutinik qaffaaneq kingumut alloriarneruvoq
Politikkia ilusilersueqataaffigigaat
- Taamaattumik soqutaanngilaq, naak uggorigaluarlugu IA-p politikki 2025-imut aalisakkanut assigiinngitsunut amerlanerusunut pisuussutitut akitsuusiinissamut tunngasoq pillugu pilersaarut ilusilersueqataaffigisartik sumiginnarmagu, Randi V. Evaldsen oqarpoq.
Atuaruk: Halibut Greenland akitsuutinut nutaanut aarlerisaarivoq
Naalakkersuisut Sulisitsisunit, Inatsisartuni partiinit illuatungiliuttunit aalisarnermillu ingerlataqartunit annertuumik isornartorsiorneqarput, Sulisitsisut ilaatigut oqarlutik Naalakkersuisut inuussutissarsiuteqartunit aalisarnermillu ingerlatsisunit kissaatinik naammattumik tusaaniarsimanngitsut, inatsillu aalisarnermi nutaami siunissamut ungasissumut piorsaanissamut akornutaalluni.
Inuiaqatigiit aningaasaqarnerat
Aamma isumaqarput pisuussutitut akitsuutit akileraarutaannanngorsimasut maannakkorpiaq nunatta karsia imaqusoqisoq immerniarlugu pilersinneqartoq aalisariutaatillit inuiaqatigiillu aningaasaqarnerannut pingaarutaa apeqqutaatinnagu.
Naalakkersuisorli allamik isumaqarpoq, isumaqarluni inatsit inuussutissarsiortunit malissallugu ajornakusoortuunngitsoq. Aamma isumaqarpoq inatsisip atuutilernera oqaaseqaateqarfiungaarnavianngitsoq.
- Inatsisip isornartorsiorneqarnerujussua ajornartorsiutinngortinneqarsinnaavoq. Sulisitsisut tusarniaanerminni akissutitut oqarput akitsuutip annertussaa pissusissamisuunngitsuunngitsoq, oqarpoq.
Atuaruk: Qalerallit immikkut akitsuuserneqarnissaat illersorpaa
Allaaserisaq tamaat Sermitsiami saqqummertumi kingullermi atuaruk. Aviisi aamma uani pisiarisinnaavat: