urandebat
Naalakkersuisumut tatiginnginnermik taasititsineq
Demokraatit piumasaqaatigaat Siumumut Inuussutissarsiornermut Aatsitassarsiornermullu naalakkersuisoq Jens-Erik Kirkegaardimut tatiginnginnermik taasititsisoqassasoq
Annonse
Urani pillugu oqallinnermi Naalakkersuisut eqqunngitsumik paasissutissiisimasut Demokraatit Inuit Ataqatigiillu isumaqarput.
Taamaattumik naalakkersuisoq Jens-Erik Kirkegaardimut tatiginnginnermik taasisoqassasoq siunersuuteqarlutik.
Taamaattumillu Inatsisartut ataatsimiinnerat unitsinneqarallarpoq minutsini 20-ni, nalunaaqutarlu 17:40 ataatsimiinneq aallartinneqaqqissalluni.
Inatsisartuni ilaasortat inersuarmi 29-t peqataapput, taakkulu qinersissutigissavaat Jens-Erik Kirkegaard Inuussutissarsiornermut Aatsitassarsiornermullu naalakkersuisuuginnassanersoq.
IA Demokraatillu isumaqarput naalakkersuisoq eqqunngitsunik paasissutissiisimasoq KNR-imi 'Oqalliffimmi', nittartakkami kiisalu Inatsisartut oqaluttarfiani.