Naalakkersuisut akilerneqarluni peqquserluttarneq akiorniaraat

Oqaluttuarisaanermik ilisimasallip Søren Mørchip titartaasartullu Roald Alsip atuakkiaani »Nullerne – danske politikere og deres magtudøvelse i de første 10 år af det 21. århundrede« (Nuulukkut – ukiut untritilikkaat 21-issaani ukiuni qulini siullerni Danmarkimi naalakkersuinermik suliallit taakkulu pissaanermillu atuinerat) aamma Namminersornerullutik Oqartussat naalagaaffeqatigiinnerlu pillugit kapitaleqarpoq.

- Ilaannikkut oqartoqartarpoq namminersornerullutik oqartussani naalakkersuinermik suliallit peqquserluttartut, tamannali taaguutaavoq uukapaatitsiniutaasoq, Søren Mørch allappoq. Illersoqatigiittarput pissaaneqarnertillu makitaniaatigisarlugu – tamannalu peqquserlunnermit allarluinnaavoq.

Akiuiniarneq
Makitaniarnermut inatsisiliortoqarsinnaanngilaq, akilerneqarlunili peqquserlunnermut akiuiniarnermut maleruagassiortoqarsinnaavoq.

Naalakkersuisullu taamaalioqqammerput.

Naalakkersuisut akilerneqarluni peqquserlunnermut akuersaanngilluinnarneq politikkeraat nutaaq, tassalu imminut iluaquserniarluni pissaanerup paareqqusap atornerlunneranik nassuiarneqartoq.

Naalakkersuinikkut isummernerunngitsoq
Naalakkersuisut sulisui Kalaallit Nunaanni sulipput aammali nunani allani ataatsimiinnerni ataatsimeersuarnernilu peqataasarlutik, pisunilu assigiinngitsorpassuarni innuttaasut namminersortullu qanittumik attavigisarlugit.

- Akilerneqarluni peqquserlunnermut akuersaanngilluinnarneq taamaallaat naalakkersuinikkut isummernerunngilaq, Aningaasaqarnermut Naalakkersuisoq Aqqaluaq B. Egede oqarpoq.

- Aamma Naalakkersuisut allattoqarfissuani sutigut tamatigut sulisunut tamanut najoqqutassanik imaqarpoq, taamaallaat peqquserlunnermut tunngasunik suliaqaratik aammali peqquserlunnissamut aarlerinaateqarsinnaasunik.

Allaaserineqartoq juullip aviisianik imaqartoq atuarneqarsinnavoq. Uani aviisi pisiarineqarsinnaavoq:

Sermitsiaq Uge 49 2016

Klik her for at læse