Politikki
Naalakkersuisut akitsuutinik nutaanik akileraaruseeriaatsimillu allaanerusumik siunnersuuteqarput
Inatsisartut upernaakkut ataatsimiinneranni politikkikkut ingerlatsinissani Kim Kielsenip saqqummiuppaa
Aalisarnermi akitsuutit nutaat, imeruersaatini eqeersaatilinni imermillu tunisassiani avataanit tikisinneqartuni akitsuutit nutaat aammalu soraarnerussutisiat siusinnerusukkut akileraaruserneqartalernissaat naalakkersuisoqatigiit eqqunniarpaat.
´Aaqqissuusseqqinnermik sulineq ingerlaqqippoq´, naalakkersuisut siulittaasuat oqarpoq.
Soraarnerussutisiat akileraaruserlugit
Siunnersuut maluginiagassaanerpaaq tassaagunarpoq soraarnerussutisiaqalernissamut nammineq ileqqaakkat allaanerusumik akileraarusertalernissaat, landskarsimut iluaqutaasussamik - apeqqutaalluni soraanerussutisilaqalernissamut nammineq ileqqaakkanut akiliutaasartut taamatut amerlatigiinnarnissaat.
– Naalakkersuisut siunnersuutigaat nunani allani soraarnerussutisiaqalernissamut aaqqissuussinerit akileraaruserneqartalissasut, taamaasilluni soraarnerussutisiassat Kalaallit Nunaanni aningaasarsiutigineqarsimasut nunami maani akileraaruserneqartalissallutik, Kielsen allappoq.
´Kalaallit Nunaannut iluaqutaassaaq´
Aningaasaqarnermut naalakkersuisoqarfiup naatsorsuutigaa soraarnerussutisiaqalernissamut ileqqaakkat 30 procentii nunani allani soraarnerussutisiaqalernissamut aaqqissuussinerni pisartut.
– Tamanna allanngortinneqassaaq. Naalakkersuisut kissaatigaat soraarnerussutisiaqalernissamut ileqqaakkat nunatsinnut iluaqutaassasut, nunanut allanuunngitsoq, isumaliutissiissummi allassimavoq.
Kim Kielsenip ilaatigut akileraarutinut nutaanut siunnersuutaanik allagaa tamaat Sermitsiami sapaatip akunnerani saqqummersumi atuaruk.
Sermitsiaq sitemi uani pisiniarfimmiluunniit pisiariuk