Naalakkersuisut: Kujataani qulimiguullit ilaneqarnissaat akuerineqarpoq
Kalaallit Nunaata kujataani qulimiguullit, AS 350, decembarip sisamaannit 31-ata 2018-imi tungaanut ataatsimik ilaneqassapput. Naalakkersuisut taama ilisimatitsipput
Nunatta Kujataani oktobarimili angallannikkut ajornartorsiortoqarpoq, sikoqarnera aamma sila kinguaattoortitsisarluni. Naalakkersuisut maanna saniatigut qulimiguulimmik sumiiffimmut aallartitsipput.
Nunaqarfinnit nunaqarfinnullu
- Qulimiguulik pingaartumik Kalaallit Nunaata kujataani nunaqarfinnut nunaqarfinniillu timmisartuussinermut atorneqassaaq, Naalakkersuisut tusagassiuutinut nalunaarummi ilisimatitsipput.
Aningaasaqarnermut Akileraartarnermullu Ataatsimiititaliap novembarip ulluisa 24-anni ataatsimiikkami Naalakkersuisut Kalaallit Nunaata kujataani decembarip ulluisa 31-at tikillugu qulimiguullit ataatsimik ilaneqarnissaannik qinnuteqaataat akueraa.
Ingerlatseqatigiiffik Disko Line Kalaallit Nunaata kujataani timmisartuussinermik imaatigullu angallassinermik isumaginnittuuvoq.