Naalakkersuisut paatsiveerupput
Kommunit kattussuunneqarnissaat kinguartinneqartariaqartoq borgmesterit arlallit oqariartuuutigaat, tamannali pillugu kommuneqarfiit kattuffiat KANUKOKA nassuiaateqartariaqartoq Atassutip siulittaasuata Finn Karlsenip piumasaraa
- Tamanna pillugu erseqqissumik Atassummi suli oqallisiginngilarput, kisianni isumara malillugu taamatut oqartoqarnera tunngavigalugu nassuiaavigineqartariaqarpugut. Kommuneqarfiit kattuffiat KANUKOKA borgmesterit sinnerlugit nassuiaasinnaasariaqarpoq, Finn Karlsen oqarpoq, nangillunilu:
- Sunaakua equngassutaasut massakkut paasineqartut, Finn Karlsen aperivoq, nangipporlu: - Allaat partiitsinnut aggersarlugu nassuiaatitsisariaqarpugut, taava isummernissatsinnut tassani pissarsisinnaassaagut, Atassutip siulittaasua Finn Karlsen oqarpoq.
Kommunit 2009-mi maajip aallaqqaataanit aallarnerneqartumik kattussuunneqarnissaat qaammatinik arfineq-marlunnik kinguartinneqarluni 2010-mi januaarip aallaqqaataaniit pisussanngortillugu kinguartinneqartariaqartoq, borgmesterit Københavnimi ataatsimiinnerminni ippassaq nalunaarutigigaat radioaviisi nalunaarpoq.