Naalakkersuisut uranimut allatut isummerput
Aatsitassarsiornermi malerugassat allanngortinnerisigut Greenland Minerals and Energy A/S periarfissaqalerpoq Narsami Kuannersuarni misissueqqaarnissamik kissaatigisamittut ingerlatsisinnaanissaminik.
Taamaalilluni Greenland Minerals and Energy A/S Narsami Kuannersuarni aatsitassarsiornissamik suliani aaqqiagiinngissutaaqisumi ingerlaqqissinnaanngorpoq. kan nu komme et skridt videre med sit omstridte mineprojekt i Kuannersuit i Narsaq. Tamanna pivoq aatsitassanik misissuinissamut akuersissuteqarnermi nalinginnaasumik piumasaqaatit Naalakkersuisunit annertusineqarmata.
Aatsitassanik ujaasinermi piumasaatinut tunngatillugu naalakkersuinikkut allamik isumaqaartoqareernarigut tamanna pivoq.
Naalakkersuisut ullumi ataatsimiinnerminni aalajangerpaat Kalaallit Nunaanni aatsitassanik misissuinissamik akuersissuteqarnermi tunngaviusumik piumasaqaatit annertusineqarnissaat. Taama annertusaanermi aatsitassanik misissuinernut atatillugu pinngoqqaatit radiop qinngornerinik nalinginnaasumit qinngorneqarnerusunik akulinnik naammattuuinermi malittarisassatigut sinaakkutissiat nalunaarsuisussaatitaanermillu piumasaqaatit sukateriffigineqarput.
Naalakkersuisut tusagassiuutitigut nalunaarutaat malillugu taama sukaterisariaqarnermut tunuliaqutaavoq ullumikkumut malittarisassat naapertorlugit aatsitassanik radiop qinngornerinik nalinginnaasumit qinngorneqarnerusunik naammattuuinermi tamakkuninnga passusseqqusinngilluinnarnissaq piumasaqaataammat.
Greenland Minerals and Energy A/S-ip nutaamik periarffissaqalernera qujaruppaa.
- Greenland Minerals and Energy A/S-imi naalakkersuisut aatsitassarsiorsinnaanermut atatillugu maleruagassinik allannguinerat tusagatsigu nuannaaqaagut. Maleruagassat allanngortinnerisigut Naalakkesuisut periarfissaqalerput nassaat nutaat radio qinngorneranik akoqartut nalilersorluarnissaannut, Greenland Minerals and Energy A/S tusagassiuutitigut nalunaarummi allappoq. Aalajangiinerup kingunerissavaa Greenland Minerals and Energy A/S-ip 2011-mi misissueqqaarnissatut pilersaarutigineqartut maanna ingerlassinnaalissammagit, tamatumalu ilaatigut nassatarissavaa Kuannersuarni aatsitassarsiorfissatut pilersaarutip avatangiisinut, innuttaasunut, peqqinnissamut aningaasaqarnikkullu kinguneriasassaasa misissuiffigineqarnerat.
Greenland Minerals and Energy A/S naapertorlugit misissuinerit pitsaasumik tunngaveqarlutik aalajangersinnaalissavaat suliniummut tunngatillugu piiaanissamut akuerissuteqartoqassanersoq.
Greenland Minerals and Energy A/S Australiami suliffeqarfik piginnitsi Greenland Minerals and Energy Ltd. suleqatigalugu qaammatini tulliuttuni misissuinernik annertuunik ingerlataqassaaq, taamaaliornerisalu takutikkumaarpaat Kuannersuarni aatsitassarsiorfeqalernerup teknikkikkut, avatangiisinut inuiaqatigiinnullu qingunerisinnaasai. Suliffeqarfiup naatsorsuutigaa suliaq taanna Narsami suliffissanik 30-nik pilersitsissasoq.
Greenland Minerals and Energy A/S-ip misissuigallarnerisa paasinarsisippaat Kuannersuit tassaagunartut nunarsuarmi "aatsitassanik qaqutigoortunik" taasartagaannik peqarfiunerpaasoq, tamannalu siunissami nukissiuutit mingutsitsinngitsut ineriartortinneranni pingaaruteqartupilussuussaaq.
Kuannersuit naluneqanngitsutut uranimik peqarfiuvoq, taannalu avaqqunneqarsinnaassanngilaq, suliffeqarfik siunissami aatsitassanik qaqutigoortumik piiaanissaminut akuerineqassappat.