pilluaritsi
Nakorsanngortoq: Angerlarnissara pingaartippara
Heidi Egede Noasen aamma Anna Jacobsen nakorsanngoqqammerput
Heidi Egede Noahsen ukiut arfineq-pingasut affarlu ingerlareersullu nakorsatut soraarummeerluni anguseqqammerpoq. Piffissamilu qanittumi uini kalaaliusoq panitsillu ilagalugit Nuummukalerput, Dronning Ingridip Napparsimmavissuani nakorsaatitortut uninngavianni suliartussalluni.
- Tusallattaasarpara ilinniarnerma aallartilaanerani naartulernera peqqutaalluni ilinniarnera naammassinavianngikkiga. Tamaviaarnaarsimaqaaq. Uteriitsuuvungali, piumagaannilu inuusuttuulluni meerartaajaarnerup takorluukkat ajalusoortissinnaanngilaat, Heidi Egede Noahsen oqarpoq, qilanaaqaarlu Kalaallit Nunaanni qaqqat tummisalernissaannut.
- Uannut pingaarnerpaajuvoq angerlaqqinnissaq, nunatsinnimi ineriartornermi siuarsaanissamut peqataarusukkama. Misigisimavungalu angerlarnissaq pisussaaffiusoq. Ilinniarnerami nunatsinni inuiaqatigiinnit aningaasalersorneqarpoq, aammami Nuuk angerlarsimaffigaara, Heide Egede Noahsen nuannaaqisoq oqarpoq.
Anna Jacobsen nakorsatut aamma naammassivoq.
Allaaserineqartoq Nuuk Ugeavisimit tiguneqarpoq. Aviisi akeqanngitsumik ataani aaneqarsinnaavoq