video takuuk
Naleraq: Timmisartumut bilitsit imatut akikinnerulersinnaapput
Inatsisartunut ilaasortaq aamma timmisartortartuusimasoq Per Rosing-Petersen (PN), timmisartumut bilitsit qanoq akikinnerulersinnaanerannut siunnersuuteqarpoq
Qulimiguulimmik timmisartuussisarnissamut kiffartuussinissamut isumaqatigiissutip sivitsorneqarneranut atatillugu, Jess Svane (S) allagaqarluni Naalakkersuisunut apeqquteqarpoq, siunissami bilitsit akikinnerulissanersut isumaqatigiissutip sivitsorneqarnerata kingunerisaanik.
Atuaruk: Bilitsit akikinnerusut neriuutigigai
Aaqqissuusseqqinneq
Jess Svanelu timmisartortartuusimasumik Per Rosing-Petersenimi (PN) taperserneqarpoq, taassuma nammineq pilersaarusiani 'angallannerup ilusaa aaqqissuuteqqinneratigut' bilitsit akikillineqarnissaat.
- Siunertaraarpullu silaannakkut angallannermi akit, inuiaqatigiit akissaqassusaannut naapertuunnerusumik, annertuumik akikillinissaat, Partii Naleqqameersoq oqarpoq.
- Allaat Qeqertarsuup tunuani angallanneq 500 koruunit missaannaani akeqalernissaa piviusorsiortumik aaqqinneqarsinnaammat.
Atuaruk: Air Greenlandimi ilaasut sapaatip-akunnerinik pingasunik kinguaattoortut
Tamanut ammasoq
Inatsisartut tamarmik timmisartornermi akit appartinnissaat tamanut ammasunngornissaat siunertarissagaat taassuma kajumissaarutigaa, namminerlu aaqqiissutissamik pilersaaruteqarnerarpoq.
Videomi ataaniittumi ukiaq 2015-imeersumi Per Rosing-Petersenip akunneq ataaseq minutsillu 15-it bilitsit qanoq ililluni akikinnerulersinnaanersut saqqummiuppaa: