Namminersornerup namminersorneruneq sumiginnarpaa
– Pisiniarfiup silataani kaattunik meeraqartillugu allallu kunngeqarfimmi tamarmi pisuunerpaat akornanniitillugit namminiilivinnissap kisiat aallunnissaa ajornakusoortorujussuuvoq, Aqqaluk Lynge oqarpoq
Piffissami matumani namminersornerunik ukiunik 40-nngortorsiorpoq namminersornerlu ukiunik qulinngortorsiorluni.
IA-mut siulittaasuusimasoq ICC-mullu siulittaasuusimasoq, Aqqaluk Lynge, 1947-mi inunngortoq, aqqutaa tamakkerlugu ingerlaqataasimavoq.
– Inuuniarneq atugarisarput pitsaassuseqarpoq 1979-imit qaffasinnerujussuarmik. Pitsanngoriaatit tamakkua isumaminnik takkussimanngillat, Kalaallit Nunaannili inuiaqatigiinni tamat oqartussaaqatigiinnerata ineriartorsimaneranik pissuteqarlutik. Inuiaqatigiit ullumikkut inuuffigisavut tamaviaarutiginninnikkut, Aasiveqartarnerit aqqutigalugit inuppalaartumik suliniarnikkut aamma Siumut, Atassut Inuit Ataqatigiillu 1970-ikkunni peqatigalugit suliniarnikkut, pilersinneqarsimapput. Aamma namminersorneruneq 2009-mi namminersornerup eqqunneqarneranut tunngavissiisimavoq, kisiannili ukiut qulit qaangiunneranni namminersorneq suli pigiliunneqarsimanani, Aqqaluk Lynge Sermitsiamut oqarpoq.
Suli namminersornerulertoqanngitsoq
– Namminersornerup namminersorneruneq sumiginnarsimavaa?
– Namminersorneq namminersorninngorsimanngilluinnarpoq, Aqqaluk Lynge maluginiakkani tunngavigalugit oqarpoq.
Aatsitassanut tunngasut immamilu sullivimmi avatangiisit 2010-mi akisussaaffigineqalersut eqqaassanngikkaanni nuna tamakkerlugu politikerit namminersorneq namminersornerunerup imarisaanit annerusumik immersinnaasimanngilaat.
– Sooq taamatut ingerlataqarfiunngitsumik ingerlasoqarpa?
– Isumaqarpunga tamanna politikkikkut aqutsisoqarnikkut ajornartorsiutitsinnik annertuunik pissuteqartoq. Jonathan Motzfeldt aamma Lars-Emil Johansen nersugarisorujussuuakka, aamma Kuupik Kleist ingerlatsilluartorujussuusimavoq, 2013-imi Trumpitut ingerlatseriaaseqarnerup takkunnissaanut pisut siulliit tungaannut, ilaatigut akivoq.
Allaaserisaq Sermitsiami tamakkiisumik atuarneqarsinnaavoq. Aviisi uani pisiariuk: