Nanook nersornaaserneqarpoq
2009-mi KODA Greenland Awards ippassaq unnukkut NIPIAA rockfestival Aasianni ammarneqarmat agguaanneqarpoq.
KODA GREENLAND AWARD 2009 talimanngormat Aasianni agguaanneqarmat Nanook v/ Christian aamma Frederik Elsner nersornaammik 25.000 kroninik aningaasartalimmik tunineqarput. Nive Nielsen aamma Liima Inui inorsillugit.
TALENT PRISEN 2009-mik tunineqarpoq JUUNA ZETHSEN, ARCTIC SPIRITimiit.
ÆRES PRISEN 2009-lu Malik Høeghimut Per Berthelsenimmu Sume-meersunut tunniunneqarluni. Malik Høeghikkut Per berthelsenilly Kodap Nersornaataa 1995-imi pisimavaat, taamanikkut immikkoortiterisoqartanngikkallarmat. Taamanikkut erinniortartut taalliortartullu kisimik nersornaaserneqartarput. Koda Awards 2009 Komitee-li isumaqarpoq, nipilersoqatigiit SUME Malik Høegh Per Berthelsenilu siuttoralugit Kodap 2009-imi ataqqinaatitut nersornaataanik tunineqartariaqartut.
2009-imi Malik Høeghikkut Per Berthelsenillu naapillutik nipilersoqatigiittalerneraniit kalaallisullu rockertalerneranniit ukiut 40-ngorput.
Nuusiaqqaavat »Sume - Sumut« kalaallit nipilesortarneranni nutaaliorneruvoq imaannaanngilluinnartoq. Taamanerniit oqaluttuassartaat tamatta nalunngilarput.
Sumekkut erinniaat taalliaallu nipilersortartorpassuarnit isumassarsiorfigineqartarsimapput. Sumekut nipilersoriaasiat ukiut 40-it ingerlanerini kalaallit nipilersortarneranni pitsaanerpaanut ilaajuarsimavoq, tusarnaartitsinerilu suli ornigarneqarluartarput.