Nanortalimmut timmisartukkut aqqutit pitsaanerulissapput
Ilaasut Danmarkimiit Nanortaliliartut januaarip 23-ianiit unnueqqaartariaarullutik Danmarkimiit toqqaannartumik Nanortaliliarsinnaalissappput.
Annonse
Peqqutaavoq upalungaarsimaffiup SAR-ip Nuummiit Narsarsuarmut nuunneqarnera, taamaalilluni qulimiguuliup S61-ip saniatigut Kalaallit Nunaata Kujataani inuttassat ilaneqarlutik. Imaappoq, Københavnimiit ilaasut ulloq taanna Nanortalimmut ingerlaannarsinnaalerput.
– Allannguutit taaneqareersutuut 2008-mi jauaarip 23-ianiit atuutilissapput, taamak tuniniaanermut nittarsaassinermullu pisortaq Christian Keldsen ilisimatitsivoq.
Ilaasussat aallarfissanut maannakkut allanngortillugit atuuttunut inniminniisimasut nutaamik ilaaffissalissapput, toqqaannartumillu nalunaarfigineqassallutik.