Tele-Post
Nanortallip eqqaani telefonit attaviluttut
Kujataata ilaani sullittakkat aamma suliffeqarfiit telefoniisa iikkamut ikkussat atorlugit oqaloqateqarnissamut attaveqarnerat ajutoornermik eqqorneqarpoq
Nanortalimmi aamma nunaqarfinni eqqaaniittuni telefonikkut attaveqarniarneq ajornartorsiorfiuvoq.
Pineqartut tassaapput Nanortalik aamma nunaqarfiit Eqalugaarsuit, Ammassivik, Narsaq Kujalleq, Aappilattoq kiisalu Tasiusaq, Tele-Post tusagassiuutinut nalunaarummi ilisimatitsivoq.
- Kujataata ilaani sullittakkat aamma suliffeqarfiit telefoniisa iikkamut ikkussat atorlugit oqaloqateqarnissamut attaveqarnerat ajutoornermik eqqorneqarpoq.
Telefonit iikkamut ikkussat taamaallaat eqqorneqarput, sianerlunilu oqaloqateqarniarnerit illoqarfimmi/nunaqarfinnilu tamarmik ajornartorsiuteqarnermik eqqugaapput (illoqarfinnut allanut sianerneq).
- Tele-Postimi persaqusersuutit ajuusaarutigineqarput, tassa telefoninik iikkamut ikkussanit atuisunik eqquisut. Silap ajornera pissutigalugu naatsorsuutigaarput teknikeritta aatsaat pingasunngorpat imaluunniit sisamanngorpat attaveqaatit iluarsaassinnaassagaat, ingerlatseqatigiiffik taama nalunaarpoq.