atuarfiit pitsaanerusut
Narsami atuarfiup isornartorsiorneqarnera kommunip akissuteqarfigaa
Ilinniartitaanermut naalakkersuisup qanittukkut Narsami atuarfiup angusai pillugit isornartorsiuinerata kingorna, Kommune Kujalleq angusarineqartartut pitsaanerulersinniarlugit sulissuteqartoqartoq oqaluttuarpoq
Narsami atuarfik Nunatsinni atuarfinni atuartut akornanni angusarlunnerpaavoq.
Soraarummeertoqarnerani kingullermi atuartut agguaqatigiisillugu karakteri 2,025 taamaallaat pissarsiarineqarpoq.
Sumik peqquteqarpa?
Tamanna sapaatip-akunneri markuk matuma siorna naalakkersuisoq Nivi Olsenimit (D) erseqqissarneqarpoq, kingusinnerusukkullu Inatsisartuni Ilinniartitaanermut Ataatsimiititaliamit isornartorsiorneqarpoq, ataatsimullu oqaaseqaateqarnermi atuarfiit tamarmik kivitsiffigineqarnissaat neriorsuutigineqarnissaa kissaatigineqarpoq.
Atuaruk: Ataatsimiititaliap isumaqatigiissup Nivi Olsen isornartorsiorpaa
Maanna kommunip Narsami atuarfiup angusaasa taama inissisimanera nassuiaateqarfigaa.
Atuarfiup ukiuni arlalinni iluarsartuunneqarneranik peqquteqarneruvoq, 2016-milu naammassineqarnissaa naatsorsuutigineqarpoq.
- Tamanna ilinniartitsisunut unammillernarsimavoq, ilinniartitsisullu arlallit atorfimminnik soraarsimallutik, atuarfiullu angusarlunneranut peqqutaaqataallutik, Karla Egede Bisgaard (S), kommunimi meeqqanut kulturimullu ataatsimiitsitaliaani siulittaasoq Radioaviisimut oqarpoq.
Taarseraannerujussuaq
- Ukiuni kingullerni ilinniartitsisut piffissaatillugu piffissaanngitsukkullu suliffiummi atugassat pitsaannginneri pissutigalugit aallartarput.
KNR-mi atuaruk: Kommune Kujalleq: Angusarineqartartut pitsaanerulersinniarlugit sulissuteqartoqarpoq
Taassuma oqaluttuaraa kommunip Narsami atuarfiup angusarinnerunissaa anguniarlugu iliuuseqarniarsarisoq.
Nakkutiginnippugut
- Angajullerni atuartut piumasaqarfigineqalernikuupput, assersuutigalugu atuanngitsuussappata pinngitsooratik angajoqqaat ataasiakkaat kalerrinneqartassapput. Taavalu atuakkerisassat aallunneqarnerulernikuupput, Karla Egede Bisgaard KNR-mut oqarpoq.
Kommunimi politikerip aamma nassuiarpaa, meeqqat naggataarutaasumik soraarummeernermi angusarluttut angusarisaasa qaffassarnissaannik ikiorneqassasut.
Atuaruk: Atuarfiit pisortaat Nivi Olsenip saassuppai
Atuaruk: Inuusuttut meeqqat atuarfianit anereerlutik unittoortartut amerlavallaaqaat