pilluarit
Nerlerit Inaat nutaamik mittarfimmi pisortartaartoq
Henrik Rosing Søltoft Nerlerlit Inaata mittarfiani juulip aallaqqaataanit pisortanngussaaq
Henrik Rosing Søltoft Mittarfeqarfiit mittarfiisa ilaanni, Nerlerit Inaanni mittarfiup pisortassaatut juulip aallaqqaataanit atorfeqalernissamut akuersivoq. 2005-2007-mit mittarfimmi pisortatut sulereerpoq. Mittarfeqarfinni Air Greenlandimilu ukiuni arlaqartuni misilittagaqarluarpoq.
Mittarfeqarfiit tusagassiutinut nalunaaruteqarpoq.
- Henrik Rosing Søltoft ukiuni kingulliusuni ikuallattoqarneranik annaassiniaanermillu pikkorissareerpoq, mittarfimmi pisortassatut tulluartuulluni. Henrik Rosing Søltoft nunatsinni mittarfiit tamangajaasa suliffigereerpai, Mittarfeqarfinnilu sulileqqinnissani qilanaaralugu, Mittarfeqarfiit nalunaarpoq.
Nerlerit Inaat mittarfiuvoq anginngitsoq 1985-mi pilersinneqartoq. 1990-mit Mittarfeqarfinnit aqunneqalerpoq, maannakkullu inuit qulit aqqaneq marlullu akornanni najugaqarluni.
Illoqqortoormiuliartut Nerlerit Inaatigoortarput, eqqissisimatitaqarfissuarmullu qanittuulluni. Eqqissisimatitaqarfimmi aatsitassarsiornermik misilittaaniat Nerlerit Inaatigoortarput.
Henrik Rosing Søltoft atorfimmini juulip aallaqqaataani aallartissaaq.