New Zealandimi mokéni saassussisoqarnerani 49-t toqutaasut

New Zealandimi moskénut marlunni saassussinermi toqusut 49-nut amerleriarput. Politiit pisortaat Mike Bush, tallimanngornermi tusagassiortunik katersortitsinermi taama oqarpoq.

- Christchurchimi napparsimmavimmi passunneqartut ilaat ataaseq toqoqqammerpoq. Toqunneqartut katillugit 49-nngorput, Mike Bush oqarpoq.

Inuit pingasut tigusarineqarsimasut aamma taassuma oqaluttuaraa.

Ataaseq toqutsisutut unnerluutigineqarpoq. Tassani angut inuusuttoq qaamasumik amilik pineqarpoq, taannalu arfininngornermi ullaakkut sumiiffimmi nalunaaqutaq malillugu eqqartuussisumut sasasartinneqassaaq.

Inuk taanna internetimi tamanut ammasumik isummersuutinik annertuunik aamma saassusinissamik pilersaarutinik saqqummiussisuunersoq aperineqarnermini, Mike Bush ima oqarpoq:

- Ateq saqqummersimasoq ilisimavara, kisianni uppernarsaanissara uannut tulluanngilaq, inuk ataaseq unnerluutigineqarnikuummat.

Allat tigusarineqartut marluk aallaasinik paarsaqarsimapput, kisianni saassussinermut ilaasimanersut nalunarpoq.

- Pinerluuteqartunik allanik ujaasinngilagut. Kisianni suna tamaat nakkugilagu maluginiaqqissaarparput, Mike Bush oqarpoq.

New Zealandimi premierministerip, Jacinda Ardernip, saassussineq peqqarniisaarniarnertut oqaatigaa.