Niuernermik ilinniartoq 22-inik ukiulik toqusoq
Arnaq ilinniartoq ataasinngornerup unnukkuani tassanngaannarluni toquvoq.
Niuernermik ilinniarfiup Nuummiittup ilinniartullu inaata Egmontgården-ip marlunngornermi erfalasutit qiteqqullugit amuaat arnaq 22-inik ukiulik Narsameersoq ataasinngornermi sumik peqquteqarnersumik paasineqanngitsumik toqummat.
Niuernermut ilinniarfiup pisortaa Inger Graven Larsen naapertorlugu 22-inik ukiulik ilaquttaminut pulaarsimatilluni inuummarlulersimavoq, taamaammallu ambulancet aggersarneqarsimallutik. Arnaq Dronning Ingrids Hospitalimut pissunneqarami toqoreersimavoq.
Niviarsissap atuaqatai ilinniartitsisuilu marlunngornerup ullaavani kalerrinneqarput.
- Imminortoqarsimaneranik ajunaarnikkulluunniit toqusimaneranik oqatsiarnerit pinngitsoortinniarsimavagut, Inger Graven Larsen pisoq alianartoq pillugu oqarpoq.
– Det har været vigtigt for os at aflive enhver form for rygte om, at der var tale om selvmord eller ulykke, siger Inger Graven Larsen i en kommentar til den tragiske begivenhed.