Innersuussineq
Niviaq Korneliussen toqqarsinnaanngorparput
Kiap Politikens Litteraturpris 2014 pissarsiarissaneraa maanna nunatsinniit Savalimmiuniillu toqqaaqataaffigisinnaanngorparput sms-imik nassiussinikkut
Politiken sisamanngornermi allappoq maanna periarfissanngortoq Politikens Litteraturpris 2014-imik sms-ikkut nassiussinikkut nunatsinnit Savalimmiuniillu peqatasinnaaneq.
Tamanna isumaqarpoq nunaqqatitta Niviaq Korneliussen toqqarsinnaanngormassuk isumaqarunik atuakkiaa ‘Homo sapienne’ Politikens Litteraturpris 2014-imik akissarsisinneqartariaqartoq.
Atuaruk: Atuakkiorlaap Politikens Litteraturpris pissarianissaa ilimaginngilaa
Atuaruk: 'Homo Sapienne' nersornaasigassatut innersuunneqartoq
Imatut taasissaatit
Nunatsinnit Niviaq Korneliussenip atuakkiaa ‘Homo sapienne’ akissarsitinneqarnissaanut toqqaaniaruit, taava 'kode nk' allariarlugu uunga sms-kkut 0045609940304740-mut nassiutissavat.
Taasinerit iluatsippat, normumit taassumannga sms-kkut akineqassaatit, qujaffigineqarlutit taasinermut peqataanernut.
Taaseqataarusuttunut, kisiannili qallunaat sim-kortiinik sim-kortilinnut, normu 1218 suli atuuppoq.
Niviaq Korneliussen februaarip 16-ata tungaanut toqqarneqarsinnaavoq.
Politikens Litteraturprisimik nersornaaserneqartussaq februaarip 22-ani nalunaarutigineqassaq.
Politikenip atuakkiortunut nersornaasiuttagaa aningaasanik 200.000 koruuninik malitseqarpoq.
Atuaruk: Kalaaleq atuakkiortoq Danmarkimi nersualaarneqartoq
Assit takukkit: Atuakkiorngaartup sapiilluni kinguaassiutitigut atoqatigiittarnerit eqqartorpai