Nukappiaraq aqqusinermi peqqarniitsumik persuttarneqarsimasoq
Nukappiaraq suli 15-inik ukioqalersimanngitsoq Nuummi aqqusinermi ippassaq unnukkut inuusuttunit arlalinnit saassunneqarsimavoq, kiinnamigut timimigullu isummittarneqarsimalluni. Politiit persuttaanermik takunnissimasinnaasunik ujaasipput.
Nuup aqqusernani, Saqqarlernut, ippassaq unnukkut aqqarnup eqqaani peqqarniilluinnartumik persuttaasoqarsimavoq.
Nukappiaraq angerlamut ingerlasoq inuusuttunit 15-it aamma 17-it akornanni ukiulinnit saassunneqariasaarsimavoq, taakku nukappiaraq uppiseriarlugu kinnaatigut timaatigullu arlaleriarlutik isimmittarsimavaat.
Persuttarneqarsimasup persuttaasut ilisarisimanngilai, anniaqalunilu angerlamut apuussinnaasimavoq, tamatuma kingorna angajoqqaavi politiinut nalunaaqutaq 23.36 nalunaaruteqarlutik sianersimapput. Nukappiaraq ambulancenit aaneqarsimavoq, Dr. Ingridillu Napparsimmavissuanut misissortikkiartortinneqarsimalluni.
Pigaartut pisortaata Julie Senderovitzip innuttaasut qinnuigai, inuusuttut qulit inulaarlugit amerlassusillit nassaariniarnissaannut ikiueqqullugit.
- Taakkunanit arlallit Arcteryxinik kavaajaqarput, Julie Sendrovitz persuttaasimasut pillugit killilimmik paasissutissaatilik ilisimatitsivoq.
Politiet misissuillutik aallartissimapput, tassani ilaatigut illoqarfimmi videoliuutit atorlugit persuttaasimasut unnukkut sumiissimasinnaanerat misissorlugu aallartissimallutik.
- Innuttaasut qinnuigaavut, inuusuttunik Arcteryxinik kavaajaqartunik takunnissimassagunik uagutsinnut saaffiginneqqullugit. Aap. illoqarfimmi sumiluunniit takuneqarsimassappata. Persuttaasimasut nassaarineqarnissaannut piaartumik ilisimatinneqarnissarput iluaqutaassaqaaq, pigaartut pisortaat oqarpoq.
Nuummi politiit oqarasuaat 701448 atorlugu saaffigineqarsinnaapput.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...