Nunap ikuallannera sakkortuseqqittoq

Kalaallit Nunaanni Politiit erseqqissaatigivaat, nunami angallanneq angalasunik nammineq akisussaaffigineqassasoq.

Politiit Facebook-imi quppernerminni allapput.

- Inuit nunami angalasut namminneq qanoq iliuuseqarnikkut akisussaassuseqaqqullugit angalassasut kajumissaaripput Kangerlussuup Sisimiullu akornanni nuna annertooq suli ikuallammat, nalunaarutigineqarpoq.

Qeqqata Kommuniata erseqqissaassutigivaa ikuallanneq sakkortuumik ikeqqissimasoq sualummik Kangerluarsuk Siulliup Sisimiut avannamut kangiata eqqaani.

- Kalaallit Nunaanni Politiit erseqqissaatigivaat, nunami angallanneq angalasunik nammineq akisussaaffigineqassasoq, politiit nalunaarput.

Tamaanga nunamut inuit angalannginnerini, Kalaallit Nunaanni Politiit inuit qinnuigissavai paasissutissat Qeqqata Kommuniata nittartangaaniittut paasissutissat nutaat ikuallannermut upalungaarsimanissamullu nalunaarutit atuaqqaarneqassasut.

- Qeqqata Kommunia aqqut qorsummik ilisarnaatilik Kangerluarsuk Tulleq aamma Eqalugaarniarfiup akornanniittoq aqqutigineqassanngittoq nangaasaarutigaat, kisiannili aqqut alla tungujortumik ilisarnaatilik, Artic Circle Trail South, Kangerluarsuk Tulleq aammalu Eqalugaarniarfiup akornanniittoq Sarfannguit aqqutigalugu atorneqassasoq innersuussutigalugu, ilisimatitsissutigineqarpoq.