Nunaqarfinni politikerit: Politikeritut appasinnerusut isigineqarpugut
Nunaqarfiit ineriartortinneqarnerannut nunaqarfinni aqutsisut annerusumik sunniuteqarneq ajortut, anguniagassatullu siunnersuutit kommunalbestyrelsiniit pimoorullugu tiguneqarneq ajortut, nunaqarfinni aqutsisuni ilaasortat oqarput
Kommunalbestyrelsit kommunini qulliunerpaatut aqutsisuupput siunnerfissanillu ilusilersuisuullutillu aaliangiisartuullutik.
Taakkualu ataanni inissisimapput nunaqarfinni aqutsisut, nunaqarfiullu ineriartortinneqarnissaannut tunngasunik kommunalbestyrelsimut inassuteqarsinnaallutik, aviisi Sermitsiaq allappoq.
Nunaqarfinnili aqutsisut kommunalbestyrelsiniik imak soqutaanngitsigisutut isigineqarput, oqaluuserisassatit siunnersuutit kommunalbestyrelsimi oqaluuserisassanut anngutinngisaannangajallutik. Allaammi nunaqarfinni aqutsisut saaffiginnissutaat akineqarneq ajortut soqutaanngitsutullu isigineqartut imak amerlatigaat, allaat nunaqarfinni ilaasortaat ilaat siunnersuuteqassaaginnartariaqartarlutik.
- Nunaqarfimmi aqutsisut ineriartortitsinissamut kissaataat tusaaniarneqarpallaartarsimanngitsut pimoorullugulu tiguneqarneq ajortut, 1993-imiilli nunaqarfinni aqutsisunut ilaasortaasarsimasoq, aamma Kalaallit Nunaani Nunaqarfiit Peqatigiiffianni, KANUNUPE-mi siulittaasup tullia, Timotheus Petersen, Siumut oqarpoq.
Allaaserineqartoq aviisimi Sermitsiami tamakkiisumik atuaruk. Aviisi uani pisiarineqarsinnaavoq: