ilinniartitaaneq
Nunatsinni ilinniartitseriaaseq Alaskami soqutigineqartoq
Kalaallit Nunaanni ilinniartitaanerup ingerlanneqartarnera Alaskamit soqutigineqartoq
ICC Alaska apriilip 16-ani 17-anilu ilinniartitaaneq pillugu seminarertitsivoq.
Qanoq naggueqatigiit inuit kiisalu Alaskami ilinniartitaaneq pitsaanerulersinnaanersoq ilaatigut sammineqarluni.
Kalaallit Nunaanni ilinniartitseriaaseq ilaatigut soqutigineqarluni eqqartorneqarpoq, misilittagarineqartullu paaserusunneqarlutik.
Tassunga atatillugu Aviâja Egede Lynge oqalugiartussatut qaaqquneqarpoq. Aviâjap ilaatigut qanoq ilinniartitsisoqartarnera oqalugiaatigaa. Meeqqat atuarfiani 2002-mi nutarterisoqarnera iserfigineqarpoq, tassani kulturikkut tunngasut siullermeerutaasumik Kalaallit Nunaanni ilinniartitaanermi siullerpaamik iserfigineqarlutik.
Aviâjap oqaatigaa oqalugiarnera soqutigineqarluartoq, kiisalu meeqqat ilinniartitsisuinik ilinniartitseqqittarnerit aamma soqutigineqartutut isigineqarlutik.
Assit ataani takukkit