Kræver fordeling
Nunatsinni pingaartitavut aningaasaliiffigineqanngillat
Naalakkersuisut Nuuk kisiat piunnaarlugu ineriartornerup oqimaaqatigiissuunissaanik neriorsuutiminnik qimarratiginnipput. Taama ilaasortaqatit akornannit isornartorsiuisoqarpoq. Naalakkersuisoq IA-meersoq pitsanngorsaanissamik neriorsuivoq.
Sanaartornermut aningaasaliissutit milliornerpassuit tamaviaarutigineqarnerat sakkortuvoq – minnerunngitsumik Inatsisartut ataatsimiittarfianni. Naluneqanngitsutut qinersinissaq qanilliartorpoq.
Aningaasaqarnermut Naalakkersuisoq Aqqaluaq B. Egede (IA) Inatsisartuni akunnermi apeqquteqarfiusumi apeqqarissaarfigineqarmat, taanna sammisaq pillugu oqaaserpassuit atorlugit saassutarineqalertorpoq:
- Aappaagut aningaasanut inatsisissatut siunnersuummi takuneqarsinnaavoq nunaqarfinni isorliunerusunilu sanaartugassanut aningaasaliisoqarsimanngilluinnartoq, Siumumeersoq Knud Kristiansen (Atassutip siulittaasorisimasaa) oqarpoq.
- Tamanna ernumanartoqartitorujussuuara. Kommuni sanaartugassatut kissaatigisaminik katillugit 300 millioner koruuninik nalilinnik marsimili nassiussivoq.
Aqqaluaq B. Egede aningaasaliissutissanut nutaanut tigussaasunik neriorsuuteqanngilaq, akissutiminili isorliunerusuni sumiginnagaasimasumi aningaasalissutinut nutaanut iluarsaassinissamillu suliniutinut aningaasanik pissarsiniarsinnaanerat assigiinngitsut marluk tikkuarlugit.
AG-mi atuaruk: