Nungusaataanngitsumik aalisarneq Grønlandsbankenip aningaasaliiffigaa
Aalisarnermut Ataatsimiititaliarsuup inassuteqaatai malinneqassappata sinerissamut qanittumi avataanilu aalisarnermut annertoorujussuarnik aningaasaliisoqartariaqarpoq.
Nungusaataanngitsumik aalisarneq.
Tassa Aalisarnermut Ataatsimiititaliarsuup isumaliutissiissutaani, sisamanngornermi septembarip 23-ani saqqummiunneqartumi, nalunaajaatit pingaarnersaat, nalunaajaallu Grønlandsbankenimit, pingaartumik Avannaani qaleralinnik aalisapilunnermut, aammattaarli Kitaata sineriaani saarullinnik saattuanillu aalisapilunnermut, iluarinninngitsumik isiginnittumit, tusaaneqarpoq. Aviisi Sermitsiaq allappoq.
Aalisarnermut Ataatsimiititaliarsuaq mianersoqqusivoq:
– Qeqertarsuup Tunuani, Uummannami Upernavimmilu qaleralinniarneq ukiut sisamaannaat qaangiuppata aningaasarsiornikkut ajalusuussaaq, aalisartut ullumikkutut amerlatigiinnarpata biologillu inassuteqaataannut sanilliullugu amerlavallaartunik pisassiisarneq ingerlaannassappat.
Grønlandsbankenip 2020-mut ukiumoortumik nalunaarusiamini ineriartorneq tamannarpiaq aamma mianersoqqussutigaa:
– Sinerissamut qanittumi aalisartut ilaasa qaammatit tamaasa ataavartumik akiligassatik akilersinnaaneq ajorpaat aningaasaqarnikkullu kipiluttunarsiortalertarlutik. Isumakulunnarpoq aalisartut pikkorissut sulilluartullu ulluinnarni imaani sulerulunnerminni naammattunik pissarsisinnaaneq ajormata, pisuussutaallu nungukkiartorlutik. Tamanna pissutigalugu ilaqutariit erloqinartumik aningaasaqarniarnikkut kipiluttunarsiulertarput.
Allaaserisaq tamaat uani Sermitsiami atuaruk: