Nuuk imeeruteqqippoq
Nuummi Tuapannguit eqqaani kingumut ruujorit erngalernerannit imeeruppoq. Tamanna Nukissiorfiit pingasunngornermi kingusissukkut paasivaat
Annonse
Nuummi Tuapannguit kingumut imermik pilersorneqarnerat ajornartorsiuteqaqqilerpoq.
Tamanna pingasunngornermi unnukkut aqqarnup missaani Nukissiorfinnit paasineqarpoq.
- Ajoqutaa aaqqinniarsaraarput. Imeqarnermut immikkoortortaqarfimmi ilaatigut assaasussanik ruujorilerisunillu ikiortissarsiorpugut. Nukissiorfinniit suli oqaatigineqarsinnaanngilaq ajoqut qaqugu aaqqissanersoq. Iluatsissappat sisamanngorpat ullaakkut imeqaqqilissaaq, Nukissiorfinniit Ole Aggo Markussen nalunaarpoq.