Nuuk: Nutaamik kaajallattarialiorniarluni qaartiterisoqartoq
Munck Gruppen Nuummi nutaamik mittarfiliorniarlutik qaqqamik qaartiteriinnanngillat. Aamma nutaamik kaajallattarialiorniarlutik qaqqamik qaartiteripput.
Munck Gruppen pinerluuteqarsimasunut inissiisarfiup nutaap eqqaani nutaamik kaajallattarialiorniarlutik aallartipput.
- Qaqqamik qaartiterilluta allartippugut. Kaajallattariassaq timmisartoqarfimmit ungasiarpoq, taamaammat qaartiterinerit timmisartoqarfiup ingerlanneqarneranut akorngutaanngillat, Munck Gruppenimi pilersaarusiornermut pisortaq Orla Nielsen Sermitsiaq.AG-mut ilisimatitsivoq.
Saviminernut eqqaavik matoorneqassasoq
Orla Nielsenip ilisimatitsissutigaa, qaartiterinermi ujaqqat piiakkat saviminernut eqqaavimmut, timmisartoqarfiup avannaata tungaaniittumut ingerlanneqassasut
- Saviminernut eqqaavik ujaqqanik matoorneqassaaq, tamanna qaammatit marlussuit ingerlaneranni aallartissavarput, Orla Nielsen oqaluttuarpoq.
Kaajallattariaq timmisartoqarfiup avannaata tungaani aqqusinissamut nutaammut atassuserneqassaaq.
Amerlanerusunik atorfinitsitsiniartut
Orla Nielsenip aamma ilisimatitsissutigaa, Munck Gruppen ullumikkut 40-t missaannik sulisoqartoq, taakkunannga 15-it ingeniøriupput, siulittaasuullutik, nunamik uuttortaasartuullutik allaffimmiuullutillu.
- Nutaanik sulisussarsiorluta suli suliaqarpugut. Qaammatip tulliata ingerlaneran inunnik immikkut qulinik atorfinitsitsiniarpugut, pilersaarusiornermi pisortaq ilisimatitsivoq.
Sulisut affaat Kalaallit Nunaanninngaanneersuupput, sinneri Savalimmiunit Danmarkimiillu aggersuullutik.
DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...