Aalisarneq
Nuuk-Paamiut assagiarsunniarneq unitsinneqassaaq
Assagiarsunniarneq oktobarimi ammaqqinneqassaaq
Annonse
Aqutsiveqarfimmi Nuuk-Paamiut assagiarsunnik aalisarneq sisamanngornermi juulip 6-anni 2017-imi nalunaaqutaq 24.00 unitsinneqassasoq, aalisarnermut piiniarnermullu naalakkersuisoqarfik nalunaaruteqarpoq.
Ullumi marlunngornermi juulip 4-anni pullatik kingusinnerpaamik ninginneqassapput. Kingusinnerpaamillu sisamanngornermi tunisisoqarsinnaalluni.
Aqutsiveqarfimmi Nuuk-Paamiut assagiarsunniarneq oktobarip 1-ani 2017-imi aallartinneqaqqissaaq.
Aqutsiveqarfimmut 1.200 tonsit pisassiissutaapput, taakkunannga juunip 26-anni 844 tonsit aalisarneqareersimapput.