eqqakkat
Nuummi eqqakkat kusananngitsut saqqummertut
Kommuneqarfik Sermersooq innuttaasunit eqqaanissamut maleruagassanik paasinninngitsunit attavigineqaqattaarsimavoq, tassani ataasiakkaat namminneq eqqagassa immikkoorterlugillu eqqaaviugallartunut ilioraasussaapput.
Nuummi aqquserngit sinaanni eqqakkat katersukkat illoqarfimmi takussunarsaataapput, eqqakkat tamakku eqqaaviit angalaarunneqartut sumiiffinnut pippata innuttaasut tunniukkumaarneraat apeqquterujussuuvoq.
Ineqartut akiligassinneqarsinnaasut
- Inatsit iluaqutissaraarput. Siullermik kiap eqqagarinerai paasiniarsariniarpagut. Paasisinnaanngikkutsigu 25 meterip iluani najugaqartut akiligassitseratarsinnaapput, kommunimi sulisut immikkoortiterillutillu eqqaanerannut, immikkut siunnersorti Zenica Gosvig Larsen oqarpoq.
Kommunip piffissap ingerlanerani takoqqaarniaraa, taanna ilisimatitsivoq. Eqqaaviit angallanneqartut illoqarfimmi juulip pingajuata tungaanut ingerlaarunneqartussaapput.
Innuttaasut eqqakkaminnut akisussaaffimmik tigusissasut, immikkut siunnersortip neriuutigaa.
Mingutsitsinnginnerusumik immikkoortiterineq
- Eqqaaveqarfimmi eqqakkat immikkoortiternerinut saniatigt nukinnik atuisarpugut, taamaalilluni avatangiisinut mingutsitsinnginnerusumik pisarmat. Taamaammat innuttaasut siunissami immikkoortitsinermut peqataasalernissaat pisariaqarpoq, killeqanngitsumik nukissanik peqannginnerput pissutigalugu, Zenica Gosvig Larsen nassuiaavoq.
Naammattumik paasissutissiisoqarsimannginnera taassuma nassuerutigaa.
- Siusinnerusukkut periutsit nutaat pillugit ukiamut paasissutissiilluta aallartissaagut, taanna naqissusiivoq, Facebookikkut, nittartakkakkut aamma Nuuk Ugeavisikkut paasissutissiiniarluni iliuuseqartoqarluarsimasoq taanna isumaqarpoq.
20-t sianertut
Eqqaaveqarfik innuttaasunit 20-eriarlutik sianerfigineqarsimapput aamma amerlasuut kommuni Facebookikkut apeqquteqarfigisimavaat.
- Siunissami eqqaaviit angallanneqartut sumi inissisimasarnissaat assiliartalersortarnissaat pisariaqarpasippoq, innuttaasut taamaalillutik taakku sumiinnissaat paasiniassammassuk. Innuttaasunut ungasinnerpaamik 300 meterisut ungasissusilimmiinnissaat neriorsuivugut, taanna ilisimatitsivoq.