Nuummi pineqaatissinneqarsimasoq qimaasimasoq politiinit ujaarineqarpoq
Josef Berthelsen, 20-nik ukiulik, Nuummi pineqaatissinneqarsimasunut isertitsivimmit ammasumit tallimanngornerup unnuaani unnuap qeqqata ullaakkullu nalunaaqutaq 8.00 akornanni qimaasimasoq, politiinit ujaarineqarpoq.
Annonse
Nuummi politiit Josef Berthelsen, 20-nik ukiulik, Nuummi isertitsivimmi ammasumi pineqaatissinneqarsimasoq ujarpaat. Pineqartoq pineqaatissinneqarsimasunut isertitsivimmit tallimanngornerup unnuaani, nalunaaqutaq unnuap qeqqata aamma ullaakkut nalunaaqutaq 8.00 akornanni qimaasimavoq.
- Pineqartup suniinneranik ilisimasaqarsinnaasut politiit oqaloqatigerusuppaat, Nuummi politiit tusagassiorfinnut nalunaaruteqarlutik ilisimatitsipput.
Pineqartoq ima nassuiarneqarpoq:
- Tuattoq
- Nujai taartut
- 167 cm-iterisut angitigisoq
- Adidasimik meqqilimmik, tungujortumik tujuuloqarpoq, qaqortortaqarlunilu aappaluttortalimmik
- Qernertumik kavaajaqarpoq, qernertunillu qarleqarluni
- Qernertumik teqqiaqarpoq
Ilisimannittut politiinut tlf 70 14 48-mut sianeqquneqarput.
Politiit ilanngullugu ilisimatitsissutigiumavaat qimaasumik isertuussaqarneq pineqaatissiissutaasinnaammat.