suliffissaaleqineq
Nuummi suliffissaaleqisut amerliartupiloorput
Nuummi suliffissaaleqisut januar 2010-mut sanilliullugu marloriaatingajaanut amerleriarsimapput
Nunatsinni suliffissaaleqisut suli amerliartorput. Nuummi suliffissaaleqisut ukiut arlaqanngitsut ingerlaneranni amerliartupiloorput. Ukiormanna januarimi Nuummi suliffissaaleqisutut nalunaarsorneqarsimasut 983-upput. 2010-mi januarimut sanilliukkaanni marloriaatingajaanut amerleriarsimapput taamanikkut Nuummi suliffissaaleqisutut nalunaarsorneqarsimasut 499-ummata.
Nunatsinni naatsorsueqqissaartarfik Nunatsinni suliffissaaleqineq pillugu kisitsisinik taama saqqummiussisuuvoq. Ukiormanna januarimi nuna tamakkerlugu suliffissaaleqisutut 4.954-it nalunaarsornreqarsimapput taakkunanna 877-it nunaqarfinneersuullutik. 2013-mi januarimi suliffissaaleqisutut nalunaarsorneqarsimasut katillutik 4.808upput.
Kisitsisit suliarineqarput inuit suliffissaaleqisutut kommunemut saaffiginnittut najoqqutaralugit.
Suliffissaaleqinermit eqqugaanerpaat tassaapput 20-it 24-illu akornannik ukiullit taakkunani nuna tamakkerlugu 804-at 2014-mi januarimi suliffissaaleqisutut nalunaarsorneqarsimammata.