Nuuk
Nuummi tatsit suli ingerlaarfigineqarsinnaannginnerat politiinit nalunaarutigineqarpoq
Illoqarfiit pingaarnersaanni tatsit suli qerivinngillat
Annonse
Tatsini pinnguartoqarnera politiinut nalunaarutigineqallattaasoq Nuummi politiit nalunaarutigaat.
Attartumi taseq, Annersuarmi, imeqarfimmi allanilu tatsit suli ingerlaarfigineqaqqusaanngillat suli qerivissimannginnerat pissutaalluni.
- Tatsini qerinikoorpianngitsuni pisunnerit unitsinneqartariaqarput. Qujanartumik annertuumik pisoqarnikuunngilaq, taamaammat neriuutigaarput annertuumik pisoqannginnissaa pinaveersaartinniarlugu tatsini suli qerivissimanngitsuni pisuttoqartassanngitsoq, politikommissæri Poul Petersen erseqqissaavoq.