Nuummi tillinniartoqarlunilu aserorterisoqartartoq
Pisiniarfiit neriniartarfiillu arlallit piffissami kingullermi tillinniarfigitittarsimallutillu aserorteriffigineqartarsimapput. Inuusuttut aalajangersimasut taamak iliortarsimasutut pasillerneqarput, politiit ilisimatsitsipput.
Nuummi qaammatit marluk kingulliit ingerlaneranni tillinnartoqarnerulerlunilu aserorterisoqarnerulersimavoq.
Sapaatip akunnerani matumani pingasunngornerup sisamanngornerullu unnuaanni tillinniartoqartarnerannik politiit nalunaarfigineqartarsimapput.
Pingaartumik pisiniarfiit neriniartarfilllu piffissami kingullermi tillinniarfigitinngikkunik aserorteriffigineqartarsimapput, Kalaallit Nunaanni Politiit attaveqartartuat Camilla Palmanna Sermitsiaq.AG-mut ilisimatitsivoq.
Kalaallit Nunaanni Politiit ajornartorsiut eqqumaffigivaat, maannakkorpiarlu pisimasut misissuiffigalugit:
Inuusuttut aalajangersimasut taamak pisarsorineqartut
- Nuummi inuusuttut aalajangersimasut tillinniarlutillu asersorterisarsimasorineqarput, tamaammat tamanna qitiutillugu misissuivugut, Camilla Palmanna allappoq.
Suliat suli misissorneqarput, politiillu tamakkiisumik suli paasisaqanngillat:
- Misissuinitsinnut atatillugu Isumaginnittoqarfik suleqatigalugu meeqqat inuusuttullu pineqaatissinneqarnissamut inuuttunik ukiullit kikkuuneri paasiniassavavut, politiitullu aamma isumaginninnermi sulisutut angajoqqaavinik oqaloqateqassalluta, Camilla Palmann ilisimatitisivoq.
Politiit pisimasut pillugit Nuummi inuussutissarsiutinik ingerlataqartut, pisiniarfiutiminnik isumannaallisaasinnaanerat pillugu oqaloqatigisimavaat.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...