Nuup eqqaani nannumik assit isiginnaakkit
Arfininngorneq ulloq naallugu Nuummiut nannumik angisuumik isiginnaariaallutik angallapput
Umiatsiat hornorujut sinnerlugit alapernaatsunik pissangasunillu issimasoqarlutik arfininngornermi Nuummit aallakaasarput nannumik Akiani Qaquup eqqaani ullaakkut takuneqarsimasumik alakkarteriumallutik.
Qeqertap qaavani innaamanermi nanoq eqqissiivilluni perusaarpoq inuppassuit assiliiviillu soqutigerpiarpasinnagit.
Piniarnermut nakkutilliisup allallu nanoq ullaakkut arfineq-pingasuniilli nakkutigaat.
Nuummi ukioq manna nannuttassat tamakkereerput. Taamaattumik nanoq aatsaat ulorianartorsiortitsitillugu aallaaneqarsinnaalluni, kingorna amia neqaalu namminersorlutik oqartussanit pigineqalissallutik, aallaaneqassappat.
Uani nannup assingi isiginnaarsinnaavatit.
Nannumik assiuteqaruit redaktion@sermitsiaq.ag - sapaatip ingerlanerani assit ivertitissavagut
Nuummi nanoq alla maajimi toqunneqarpoq.
Qaammatip ataatsip matuma siorna nanup allap Nuuk tikippaa, taamani nanoq kaattoq toqunneqarpoq, taassuma assingi uani isiginnaarsinnaavatit.