Nuup qeqqani sandwicheerniarfik nutaaq ammartoq
Christina V. Langep sinnattorisartakkani sapaatiummat kingullermik sandwicheerniarfimmik ammaanermini piviusunngortippaa. Pisiniarfiarannguaq inunnit nuannarineqarmat aallarnisaasoq inimut anginermut nuunnissaminut pilersaaruteqalereerpoq.
Inissiarsuaq blok 1 qaammat kingulleq isaterneqarpoq, blok 5-imili nutaaliortoqarpoq. Aallarnisaasormi nutaaq Christina V Lange sandwicheerniarfimmik ammaavoq "TASTY - juice & sandwichbar"-imik taasaminik.
- Nammineerlunga Nuup qeqqani suliffeqarnikuuvunga, nalunngilaralu inuit ulloqeqqarniartillutik suut amigaatigisarneraat, taamaammallu una pisiniarfiarannguaq ammarpara, Christina V. Lange, Sermitsiaq.AG-mut oqarpoq.
Pilerigisaq
Taanna piffissami sivitsortumi sutorniartarfimmik ammaanissaminik eqqarsaateqartarpoq, maannalu sinnattuni piviusunngortippaa.
- Inuit sutorniartarfinnik ammaasut usorisarnikuuakka, pisiniarfiutitaarnissannut pilersaarut suliarereernikuullugu piffissami sivisuumi inissamik amigaateqarnikuuvunga, maannakkullu uuma iniarannguup atornissaanut periarfissarsivunga pisiniarfeerarlu ammarlugu, Christina V. Lange, sutorniartarfimmi 20 kvadratmeterisut angitigisumiittumi oqarpoq.
Sutorniartarfik H.J. Rinkip aqqutaaniippoq sikuerniarfiusimasumi.
Ini anginerusoq
- Tuniniakkama piumaneqarnerat tupaallaatigilaarpara, pisiniarfiarannguaq inuit tigulluarpaat, maannalu inimut anginerusumut nuunnissannut periarfissarsiulerlunga, Christina V. Lange oqarpoq.
Taassuma pisiassaatini inuusuttunut 16-init 35-inut ukiulinnut tulluarsarsimavai. Nioqqutissat nutaat aatsaat tikittut qalipaatigissullu tuniniagarivai.
DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...