Ornittakkamut aningaasat
Ejnar og Meta Thorsens fond Nuummi ornittakkamut Mælkebøtten-imut 200.000 koruuninik tunniussivoq.
Ejnar og Meta Thorsens Fond Monberg & Thorsen-imik pilersitsisut aappaata, Ejnar Thorsenip, nuliatalu Meta-p pilersitaraat. Aningaasateqarfiup, qinnuteqarfigineqarsinnaanngitsup, nammineq suliniutit, aningaasaateqarfiup aningaasanik tapiiffigerusutai, ujartortarpai.
- Ejnar og Meta Thorsens Fondip Nuummi meeqqanut inuusuttunullu amerlasuunut iluaqutasussanik aningaasanik tapiissuteqarnera nuannaarutigisorujussuulugulu qujamasuutigeqaarput. Tapersersorneqarneq tamanna meeqqanik inuusuttunillu isumaginninnikkut atugarliortunik sullissinerup ingerlaannarnissaanik nutaanik nukissaqartitsilerpoq, Mælkebøtten-ip forstanderia Kirsten Ørgaard oqarpoq.
Kirsten Ørgaard naapertorlugu aningaasaateqarfiup tunngavilersuutigaa meeqqanik inuusuttunillu isumaginninnikkut sumiginnarneqartumik assigiinngissuteqartitsinissaq isumaginninnikkullu akisussaassuseqaqataanissaq.
- Aningaasaateqarfiup nammineq piumassutsiminik Mælkebøtten aningaasatigut tapiiffigerusussimavaa, suliniut, Mælkebøttenip ulluinnarni meeqqanut inuusuttunullu sammititaa pingaartikkamiuk, tamannalu peqatigalugu ukiorpassuarni Nuummut Kalaallit Nunaannullu atassuteqarsimagami, Kirsten Ørgaard allappoq.