Nuuk
Pernille Højmark aamma Qarsoq appeqatigiilerput
Nipilersoqatigiit The Sweethearts Nuummiinnerani nipilersukkamut videoliortoqassaaq
Lallaatip qatsussassaanngitsuliaa ’Asanninnilersaarut’ nuannataarnerni appinneqakkajuttoq immiuneqaqqittussanngorpoq. Nipilersoqatigiit Qarsoq qallunaat nipilersoqatigiit The Sweethearts Pernille Højmarkip erinarsortuuffigisai suleqatigalugit erinarsuut taanna immiutissamaalerpaat.
The Sweethearts Hotel Hans Egedemi nipilersussamaalerput arfininngornermilu nipilersoqatigiit Qarsoq appeqatigissavaat.
Pernille Højmark isiginnaartitsisartutut pikkorissutut aamma ilisimaneqartoq Nuummut aatsaat takornalinngilaq. Tassami meeraanermi nalaani ilaquttanilu Blok P-mi najugaqarsimapput. Maannalu Nuummut peqqippoq tamatumuuna Blok P-verussimasumut.
Qarsoq Pituffimmi 2010-mi aasakkut nipilersorput tassanilu The Sweethearts naapillugit. Tassani ataatsimut ’Asanninnilersaarut’ atorpaat aammalu qallunaatuunngortillugu. Maanna takoqqittussanngorput The Sweethearts sapaatip akunnera Nuummiissammata.
- Pilersaarutaavoq erinarsuut taanna The Sweethearts peqatigalugit immiutissagipput aammalu erinarsuut taanna videolialugu, Qarsumeersoq Albrecht Damgaard Sermitsiaq.AG-mut ilisimatitsivoq.
The Sweethearts Hotel Hans Egedemi tallimanngorneq arfininngornerlu nipilersussaåput arfininngornermilu unnukkut Qarsoq appeqatigissallugit.