Perorsaasut aamma suliniutit angisuut pillugit inatsit akerleraat
PIP sulisut kattuffiinut allannut suliniutit angisuut pillugit inatsimmut novembarip 26-ani aappassaaneerneqartussamut akerliusunut ilannguppoq
Sapaatip-akunnerani matumani siusinnerusukkut SIK-mit, IMAK-imit AK-millu ataatsimoorussamik nalunaartoqarpoq tamarmik suliniutit angisuut pillugit inatsimmut novembarip 26-ani Inatsisartuni aappassaaneerneqarluni oqaluuserineqartussamut akerliullutik.
Maannakkullu nuna tamakkerlugu Perorsaasut Ilinniarsimasut Peqatigiiffiat PIP sulisut kattuffiinik allanik tapersiivoq.
- Sumiiffinni aalajangersimasuni nunarsuarmi tamarmi sulisut sulinissaminnut atugassaasa atorneqarnissaasa nalornissutigineqarnerata akuersaannginnissaa pingaaruteqarpoq, PIP-p siulittaasua Kaliina Skifte oqarpoq.
Læs "Medie: Storskalaloven bliver vedtaget"
Læs "Fagforeninger raser over storskalalov"
- PIP SIK, Imak aamma AK assigalugit annertuumik ernumassuteqarpoq nunanit allanit suliartortut nunatsinni isumaqatigiissutaasunit akissarsiakinnerussappata. Taamaaliornikkummi nunatsinni isumaqatigiissutit mangiarneqassapput, Kaliina Skifte oqarpoq.
PIP-p ajornartorsiut manna siusinnerusukkut maajip aallaqqaataani oqalugiarnerni oqaatigisimavaa.
Suliniutit angisuut pillugit inatsisissaq marlunngorpat novembarip 27-ani pingajussaaneerneqassaaq.
Læs "Transparency Greenland: Storskalalov skader omdømme"
Læs "Socialdemokraterne advarer mod social dumpning"