Piffissat timmisartuussiviit imatut takusinnaavatit
Fyinfo.gl tassaavoq timmisartut helikopterillu aallarfissaannik tikiffissaannillu paasissutissiiffik nutaaq
Flyinfo.gl-imi nunami tamarmi illoqarfinni nunaqarfinnilu tamani timmisartut helikopterillu aallarfissaat tikiffissaallu paasiniarneqarsinnaalerput.
Taamatut Mittarfeqarfiit paasissutissiipput.
Flyinfo.gl aamma telefonini angallattakkani takuneqarsinnaavoq inissiinerit allalluunniit allanngortinnagit.
Marsip aallaqqaataanit KNR-p tekst-tva-ni timmisartunut paasissutissiisoqartarunnaassaaq. Tamatuma kingorna aallarfissat tikiffissallu tv-kut takuneqarsinnaajunnaassapput.
- Nalunngilarput timmisartunik paasissutissat tekst-tv-mit peerunnerat akunnattoornarsinnaasoq, isumaqarpugulli internetti pingaartumillu mobilit siunissaasut. Ulluinnarput digitalinngorlunilu mobilinngussaaq, siunissamilu nutaaliaanerusunik periarfissaqalissaagut, Lotte Frank Kirkegaard, Mittarfeqarfinni HR- aamma allattoqarfimmi pisortaq, nassuiaavoq.