Qaqortoq
Piitannguaq Alaufesenimik juullimi aliikkusersuinermit assit
Arfininngormat katersortarfimmi aliikkusersuinersuaqarpoq
Arfininngormat unnukkut Qaqortup timersortarfiani nuannersumik aliikkusersuinersuaqarpoq.
Qatanngutigiit mrluk Jim Riis ´Basse´-p aamma Lasse Gustavsenip, Arctic Cafémi Hotel Qaqortumeersut plakati naapertorlugu - isumageqqippaat Qaqortormiut ingerlatsivinnut, peqatigiiffinnut, ilaqutariinnut inunnullu nuannersunut, julefrokostitsinerat.
Arfininngormat unnulaannguaq Kalaallit Nunaanni julefrokostit annersaat Lasse Gustavsenimiik ilisimaneqartumillu Piitannguaq Alaufesenimik Ilulissaneersumik aallartippoq Qaqortormiut untritillit marlussuit tikilluaqqullugit. Piitallungaq Alaufesenip aappani Valerius Nielsen ilaginngilaa, silarlunnera pissutigalugu taanna anngutinngitsoormat.
Tamatuma kingorna Hollandimeersoq Maartin, Europami Elvis Presley-saallaqqinnerpaaq, nuannivissumik aliikkusersuivoq/nipilersorpoq, taannalu unnuup ingerlanerani arlaleriarluniElvis-iusaarluni Elvis Presley-p erinarsugai nuannernerpaat atortarpai, Qaqortormiut Elvis Presley-mik nuannarinnittorpassuit nuannareqisaannik.
Piitannguaq Alaufesen akunniliisartuuvoq, sunik tamanik sammisaqarluni aliikkusersuisarlunilu, illoqarfimmiullu pinnguarnermut qaaqqullugillu oqaluttuarnermik unammisillugit.
Angutit erinarsoqatigiit Saqqaarsik unnuup ingernalerani marlussunnik atuisarput.
Nipilersortartoq Lasse Gustavsen aappani Juubi peqatigalugu qitinnermik marlussoriarluni takutitsivoq. Tamarmillu naggaserneqarput nipilersoqatigiit Asuki tusarnaartitsinerannik. Nipilersoqatigiit Qasigiannguaneersut nuannarineqartut Qaqortormiut qittatsippaat.
Asuki-p erinarsortartua Søren Lange Sermitsiaq.AG-mut oqaluttuarpoq ukiut 11-t matuma siornatigut, 2003-mi, kingullermik Qaqortumiissimallutik.
Unnuk naariataarpoq, tassa Asuki-kut akunnerni marluinnarni nipilersormata - qaqortormiunut qitikkusuttunut sivikeqisumik.
Assit ataani takukkit