Piniarsinnaanermut allagartat atuunerat sivitsorneqarpoq
Piniarsinnaanermut allagartat atuunnerat qaammammik ataatsimik sivitsorneqarpoq, ingerlatsiveqarfiit ilaasa aappaagumut inuussutissarsiutigivillugu allagartartaarnissamut piginnaatitaasunut allattorsimaffiit kinguaattoorummatigit.
Annonse
Aalisarnermut, Piniarnermut Nunalerinermullu Naalakkersuisoqarfik aalajangerpoq 2010-mut piniarsinnaanermut allagartap atuunnera 2011-mi januaarip 31-iata tungaanut sivitsorneqassasoq.
Taamatut aalajangertoqarpoq pissutigalugu ingerlatsiveqarfiit tamarmik inuit 2011-mi inuussutissarsiutigivillugu piniartutut allagartartaarnissamut pisinnaatitaasut allattorsimaffii (PIN-listit) suli nassiussimanngimmatigit.
Naalakkersuisoqarfiup naatsorsuutigaa kommunit qanimut suleqatigalugit amigaataasut januaarip ingerlanerani tigujumaarlugit.