Pinngortitami ikuallannerup qaminnissaa ajornartoq
Pinngortitami pisuffiup tungaani ikuallanneq suli qaminneqanngilaq. Nunap ataata ikuallannera ajornartorsiutaavoq
Qeqqata Kommuniani qatserisartut Sisimiut avannaata kangiani Kangerluarsuk Tullermi ikuallanneq qamisarpaat – kisinnili suli ikuallappoq.
Pisuffimmi Arctic Circle Trailimi Sisimiut Kangerlussuullu akornanni nuna ikuallappoq.
Maannamut ikuallannerup qamisarneqarnera ikuallanneq aalajangersimasumut killeqalersippaa aalajangersimasumullu ingerlaartilerlugu.
Ikuallanneq qaminnaveeraangat nunap qaavata kisiat ikuallannginnera peqqutaasarpoq, aammattaarli nunap qaavata ataani issup ikuallannera peqqutaaqataavoq.
- Taamaammat ikuallanneq qaqqami qutsissumiimmat imermillu apuussuiffiginissaa ajornarmat ikuallannerup qaminnissaa ajornarpoq. Nunap ataani ikuallanneq qulimiguulik atorlugu qaminneqarsinnaanngilaq, Sisimiuni qatserisarfimmi immikkoortortami aqutsisoq, Poul Olsen oqarpoq.
- Taamaammat maannakkut ikuallannerup kangerlummut qanillisinneqarnissaa aallunneqarpoq imermik akiorneqarsinnaanngorniassammat.
- Upalungaarsimanermut inatsit naapertorlugu kommunit pinngortittami ikuallannerit qamisarnissaanut pisussaatitaaffeqanngillat, Qeqqata Kommunianulli ikuallannerup illuaraqarfimmut siaruannginnerani akiorneqarnissaa pingaaruteqarpoq