PIP meeqqanut ombudsmandeqarusuppoq
Meeqqat ombudsmandiat ilaasortanullu akissarsiatigut sulinermilu atukkatigut pitsaanerulersitsinissaq perorsaasut ilinniarsimasut kattuffiata PIP-ip sapaatip akunnerata naanerani Kangerlussuarmi ataatsimeersuareernermi kingor anguniagassatut siunniussaasa ilagaat.
Annonse
PIP-ip aamma Kalaallit Nunaanni innarluutillit atugaasa sammineqarnerulernissaat siunniuppaa. Saniatigut aamma PIP-ip sulisartut katuffiisa arlallit kattunneqarsinnaanissaat suliniutiginiarpaa, ilaatigut peqqissaasut kattuffiat PK, taamaaliornikkut sunniuteqarnerusinnaanissaq anguniarneqarluni, knr.gl allappoq.
PIP siullerpaamik ataqqinaammik ilaasortanngortitsivoq. Ataqqinaaserneqartoq tassaavoq PIP-ip siulittaasuata tullerisimasaa tunuartoq Sten Pedersen. Kaaliina Skifte PIP-mi siulittaasutut ingerlaannassaaq.