Ilulissat
Pisiniarfiup ikuallanneranut patsisaasoq paasineqartoq
Pisiniarfiup GH Datap Ilulissani ikuallannera pillugu misissuinerit takutippaat ikuallanneq innaallagissamut aqqutinit aallartissimasoq
GH Data Ilulissani oktobarip 20-ani ikuallammat politiit pisiniarfiup qanittuani najugaqalinnut aneqqusinatik kaammattuipput, soorlu aamma Mathias Storchip aqqutaani Illumiunilu najugallit ikuallattup pujornerujussua patsisigalugu kaammattorneqartut igalaaminnik silaannarissarfimminnillu matoqqatitsinissaannut.
Atuaruk: Ilulissani politiit innuttaasunut: Angerlarsimaannaritsi
Maanna Ilulissani politiit Danmarkimi ikuallattoqaraangat misissueqqissaartartut, Kriminal Teknisk Centerimeersut peqatigalugit ikuallattoq misissorsimalerpaat.
Atuaruk: Ilulissani ikuallattup qaminnissaa sulissutigineqarpoq
Ilulissani politiit misissuinertik najoqqutaralugu ajortuliortoqarsimasinnaaneranik pasitsaassaqanngillat.
- Misissuinerup takutippaa ikuallanneq innaallagissap aqqutaanit aallartissiamsoq, Ilulissani politiit ilisimatitsipput.
Ikuallaffiusoq misissuiffigineqareerluni aallarniutaasoq paasineqareermat ikuallaffiusoq politiinit ipararneqarpoq.
Assit takukkit: Ilulissani GH Data ikuallattoq