Pituffimmit akileraarutitigut isertitat 20 procentimik ikileriarput
Amerikamiut nunarsuarmi sakkutooqarfigisamini tamani sipaarniarnera maanna aamma Kalaallit Nunaata karsiani malugineqarsinnaalerpoq.
Nunatta karsia ukioq kingullermi Pituffimmi sakkutooqarfimmi kalaallinit qallunaanillu sulisunit akileraarutitigut iseritaat 90 millioner kroneupput. Kisianni amerikamiut nunarsuarmi sakkutooqarfigisamini tamanik sipaarniarnera peqqutigalugu akileraarutitigut isertitat 20 procentinik ikileriarsimapput.
- Pituffimmi sakkutooqarfimmit akileraarutitigut isertitat ikilinaveersaarlutik amerliartortussaaniaraluarput. Qallunaat nunanut allanut ministeriat Per Stig Møller (De Konservative Folketarti) pingasunngormat ataatsimeeqatigigakku tassuma aamma akileraarutitigut iseritat taamak ikileriartigisimanerat tupaallaatigaa. Taamaattumik isumaqatigiissutigaarput, Pituffimmiit Pituffimmullu timmisartukkut umiarsuakkullu assartuinerit Kalaallit Nunaata taartissatut tigusinnaanerai misissorneqassasoq, taamak nunanut allanut tunngasunut naalakkersuisoq Aleqa Hammond, Siumut, oqarpoq.