Politiit: Nakuusertunut arlalinnut akunnerup naanerani orniguttut

Nakuusertoqarsimaneranik suliat kiisalu angerlarsimaffinni eqqissiviilliortut arlallit politiit nuna tamakkerlugu akunnerup naanerani orniguffigaat.

Politiinit Julie Senderovitz Sermitsiaq.AG-mut tamanna ilisimatitsissutigaa.

Tassami nuna tamakkerlugu politiit nakuusertoqarsimaneranik suliat 14-t orniguffigaat.

- Aalakoornartortalinnik imigassartutorpallaartoqarsimanera pissutaalluni politiit akunnerup naanerani ulappupput. Tamanna akunnerit naanerini takusarparput. Naak suliat arlallit orniguffigineqaraluartut eqqartuussivimmut ingerlatitseqqiisoqanngilaq, Julie Senderovitz ilisimatitsivoq.

Politiit akunnerup naanerani suliaat:

• Angerlarsimaffinni eqqissiviilliornerit: 32 (meerartallit tallimat)
• Nakuusertut: 14
• Aqqusinerni eqqissiviilliornerit: 7
• Aalakkornartutorsimallutik biilertut: 2
• Biilernissamut allagartaqarnatik biilertut: 1