Nuuk
Politiit nalunaarutaat: Biilertut amerlavallaat sms'ertut
Sapaatip akunnerani kingullermi angallannermut inatsimmik unioqqutitsinerit affaat sinnerlugit biilerluni mobilernermut tunngassuteqarput
Nuummi politiit sapaatip akunneq kingullermi angallannermut inatsimmik unioqqutitsinermut tunngasunik 14-inik suliaqarput.
Taakkunannga arfineq-pingasut biilerluni mobilimik atuinermut tunngassuteqarput.
Politiit taamaammat erseqqissaatiginiarpaat, assersuutigalugu biilinik ingerlatilluni sms'erneq ulorianartuusoq.
Illumut ujaqqanik milloortoq
Isit aqqusinermut isiginngillat, assat aquummiinngillat, aamma eqqarsaatit angallannermiigatik allamiipput, Rådet for Sikker Trafikkimi suliniut taama nipeqarpoq.
Kisianni politiit angallattunik sms'ertuniinnaq suliaqanngillat.
Marlunngornermi aggustip sisamaani nalunaaquta 20:21 Nuummi politiini piareersimasut nalunaarfigineqarput illumut ujaqqanik milloortoqartoq.
Cigaretsinik tillinniaq
Politiit adressemut ornigupput, pineqartorlu tigusaralugu. Tigusarinninnermi politeet siorasaarneqarpoq.
Sapaammi aggustip qulingiluaanni nalunaaqutaq 20:35 Nuummi politiit nalunaarfigineqarput ujajaasoqartoq, inullu saassuneqarsimasoq cigeretsinik tillinniarfigineqarluni.
Taanna inuk niaqqumigut annersinneqarsimavoq. Pinerluuteqartut taakku tamarmik eqqartuussivimmut suliassanngortinneqarput.