Politiit unnummut immikkut suliaqartussanik sulisoqarniartut
Kalaallit Nunaanni Politiit eqqissisimasumik juullisiorsimapput. Unnummilli immikkut suliaqartussanik sulisoqassapput, juulerujuup aqanguani immikkut ulapaarfiusarnera pissutigalugu, pigaartut pisortaat Brian Thomsen ilisimatitsivoq.
Kalaalit Nunaanni Politiit naapertorlugit, juulliaraq juullilu eqqissisimaffiusimapput.
- ullut marluk eqqissisimaffiusimapput, unnunnissaanulli pissangalaarpugut, nalinginnaasumimmi decembarip 26-at immikkut ulapiffigisarparput, Pigaartut pisortaat Brian Thomsen Sermitsiaq.AG-mut oqarpoq.
Imigassartortoqarsimatillugu, soorlu angerlarsimaffimmi eqqissiviilliornerit, aqqusinermi eqqissiviilliornerit imerniartarfinnilu aalakkkuttut politiinut immikkut ullormi tassani ulapitsitsisarput, pigaartut pisortaat ilisimatitsivoq.
- Soorunami aamma coronamut atatillugu malittarisassat imerniarfinni malinneqarnissaat suliassaraarput. Qularnanngitsumillu imigassartorsimanermut atatillugu nalinginnaasumik suliassaqassaagut, taamaammat decembarip 26-ani pisarnitsitut unnummut immikkut suliaqartussanik sulisoqarniarpugut, Brian Thomsen oqarpoq.