Politikkeri sulinngiffeqarnissamik qinnuteqartoq - WWF-imi sulilertussaagami
Pipaluk Lynge-Rasmussen Inatsisartunit sulinngiffeqalernissaminik qinnuteqarsimavoq.
IA-mi politikkeri Pipaluk Lynge-Rasmussen pinngortitaq pillugu nunarsuaq tamakkerlugu suliniaqatigiiffimmi WWF-imi suliniuteqarnermut pisortatut atorfinissimavoq, taamaammallu Inatsisartunit sulinngiffeqarnissamik qinnuteqarsimalluni. Tusagassiivik KNR taamatut allappoq.
- Avatangiiseq tamakkiisumik sullikkusullugu aalajangerpunga. Tamatumunnga nukikka atorusuppakka, taanna KNR-imut oqarpoq.
Pipaluk Lynge-Rasmussen Inatsisartut Nunanut Allanut Sillimaniarnermullu Ataatsimiititaliaanni maannamut siulittaasuusimavoq, Inatsisartullu Siulittaasoqarfiani ilaasortaalluni.
Siusinnerusukkut aamma Kommuneqarfik Sermersuup kommunalbestyrelsiani ilaasortaasimavoq, avatangiisillu pillugit suliniuteqartartutut ilisimaneqarluni, tassani Facebookimi 'Plastic Not so Fantastic' pilersitseqataaffigisimallugu.
Pipaluk Lynge-Rasmussen 2021-mi qinersisoqarmat 64-init taaguunneqarsimavoq. 64-inik taaguunneqarnermigut sinniisussat sisamaasut ilagilersimavaat, IA-milu ilaasortat arlallit Naalakkersuisutut ivertinneqarnerminni Inatsisartuni sulinngiffeqartussanngormata sinniisutut isertinneqarsimalluni.