Camp Q
Qaanaami aallarsimaarnermit assit kingulliit
Qaanaami 'Camp Q'-qarnerani allaaserinninneq aana kingulleq
- Kajumissutsimik maaneeqataasunut una sapaatip akunnera ajornanngitsuinnaanngilaq. Tassami meeqqat inuulluaqqusussaavavut. Inuusuttuaqqat aamma innuttaasut qanilliartuinnartut tassa inuulluaqquneqarput.
36-nik ukiulik Isabelle Flammia Canadami Montrealimeersoq allaaserisani aallartippaa.
Juulimi aggustimilu nunarsuarmi assigiinngitsumeersut Qaanaaiipput 'Camp Q'-umut peqataallutik.
- Nammineq kajumissutsiminnik peqataasut 16-it US. Air Force-mik Pituffimmut tikipput pingasunngornermi juulip 16-ani. Pituffimmit qulimiguulimmik Qaanaaliaanneqarpugut, misigisarlu puigunaappoq. Ineqarfitsinni aqutsisorput Bebbie aamma Peqatigiiffik Kalaallit Meerartaanneersoq Gunver naapippavut. Qaanaamut tikikkatta ingerlannaaq tikilluaqqusaanerput misigaarput, atuarfiup pisortaata Danip tikilluaqquaatigut, ineqarfissatsinnukarnitsinni ikiuilluaqaat. Tassani qaammat ataaseq najugaqassaagut.
Peqataasuupput Ellen - Finland, Laurie aamma Tracy - Frankrig, France-Emmannuelle - Belgien, Orkan aamma Emre - Tyrkiet, Chris - Amerika, Ena - Italien, Isabelle - Canada, Adriana - Spanien, Sarah - Danmark, Josefine - Sverige, Shien - Taiwan, Emily - Grækenland, Dominique . Tyskland, aqutsisut Bebbie - Nuuk aamma Nadja - Aalborg
Timersortarfimmi
Timersortarfimmi suli meeqqanut sammisaqartitsisarpugut. Assigiinngitsunik sammisaqartitsisoqartarpoq, ilaatigut nukkassartoqarlunilu sungiusartoqartarluni. Aamma tilluunnermik sungiusaasoqarpoq. Peqatigiiffik Kalaallit Meerartaasa videomik sanaqquaatigut TV-kkut takutitassamik, taanna oktobarip qulingani takutinneqarumaarpoq.
Tassani naatsumik takutitassiamik sanasoqarpoq qitinnertalimmik.
Aamma meeqqat peqatigalugit pisoqatigiittoqarpoq, tassani kuuit kiisalu qaqqaaqqat tikinneqarlutik. Paarnartartoqarpoq aamma naasorniartoqarluni. Aamma aarrit saanikuinik kiisalu umimmaat saanikuinik takusaqarpugut.
Meeqqallu asimeeqatigiinnitsinni immitsinnut qanillineroqaagut. Timersortarfiimmittarnermit pisoqataasut ikinnerupput. Tamatta nuannisaqatigiippugut.
Atuarfimmi
Assigiinngitsunik sapaatip akunnerata naanerani atuarfimmi sammisaqartitsisoqarpoq. Meeqqat peqataalluartaqaat, namminneq isumassarsiaminnik sanasaramik.
Mamartunik nereqatigiittoqaraangat immitsinnut qanillinerusarpugut, sumiiffimmimi ataatsimeerrattaratta, Isabelle Flammia allappoq. Taassuma Qaanaami misigisani allattarpai.