ilaqutariit meerartallit
Qaanaami Ilaqutariit Illuat toqqissisimanermik pilersitsivoq
Qaanaami Ilaqutariit Illuata atoqqaarfissiorneqarneranit ukiut marluk qaangiuttut illoqarfimmi ilaqutariinnut meerartalinnut pissutsit toqqissisimanarnerulersimapput
Qaanaami isumaginninnikkut unammilligassanut oqartussaasut suliniuteqarnerat ukiuni kingullerni unammilligassaqarnarsimavoq, ilaatigut illoqarfiup avinngarusimasumi inissisimanera pissutigalugu.
Taamaattumik Ilaqutariinnut, Naligiissitaanermut Isumaginninnermullu Naalakkersuisoqarfimmut pingaaruteqarsimavoq, Qaasuitsup Kommunia suleqatigalugu, ukiut marluk matuma siornatigut ilaqutariit illuannik pilersitsinissaq. Ilaqutariit Illuata anguniagaasa ilagaat kommunimi qitiusumik allattoqarfimmi ilaqutariinnik sullissinermi, isumaginninnermik ingerlatsivimmi sulianik ingerlatsisut suliaannik oqilisaasseqataanissaq.
Sunniuteqarluartoq
Sumiiffimmi isumaginninnermut oqartussaasut ilaqutariit meerartaallit Qaanaami ilaqutariit illuannut innersuuttarpaat, taannalu iluatsilluartumik siumut isigisumik suliniuteqartarsimavoq, ilaatigut iliuuseqarnissamut pilersaarusiortarluni kiisalu ilaqutariit eqqorneqartut malinnaatitsiffigisarlugit.
Ilaqutariit illuata aamma meeqqat inuusuttullu oqaloqatigisarpai, tamakkualu aamma ulluunerani illumiittarsinnaapput.
Suliniutit assigiinngitsut ilaqutariinnut, illup ukiut siulliit marluk atuunnerani oqartussaasunit tassunga innersuunneqartarsimasunut, manna tikillugu pitsaasumik sunniuteqartarluarsimapput.
Aammattaarli ilaqutariit meerartallit amerligaluttuinnartut namminneq illumut saaffiginnittalersimapput siunnersorneqarumallutik.
Oqaluttuaq tamaat Sermitsiami sapaatip akunnerani saqqummersumi atuaruk. Aviisi ataani assip kingulliup ataani pisiarisinnaavat: